Metallica në kërkim të një bendi pasues

Veteranët e rokut, Metallica, janë duke kërkuar një bend ‘të vlefshëm’, i cili do të merrte vendin e këtij grupi si “mbretër të muzikës metal”, ashtu që bendi të mund të shuhet.

Rokerët kanë performuar për 27 vite dhe nuk kanë treguar shenja të lodhjes. Ata tashmë kanë edhe albumin e ri “Death Magnetic”, i cili do të del gjatë javës së ardhshme dhe janë duke u përgatitur për të marrë rrugë dhe për të promovuar albumin.

“Mendoja një ditë se si çdokush pret nga ne të vazhdojmë të lëshojmë albume, me të cilat do ta ‘ruajmë’ metalin. Dhe kjo është një presion vërtetë i tepërt. Pse nuk na ka hequr askush nga froni? Ne përkrahim bende e reja të metalit, i marrim nën krahët tonë, por njerëzit ende na dëshirojnë neve”, ka thënë bateristi Lars Ulrich.