Bogdani në përqafim të gazetares së Alsatit

Futbollisti i kombëtares shqiptare, Erjon Bogdani, ditë më parë është kapur nga paparacit e mediave shqiptare në një nga lokalet e natës, duke qëndruar shumë afër një gazetareje të Alsat, me emrin Vilma.
25-vjeçarja Vilma dhe futbollisti, i cili aktivizohet në kampionatin Italian, janë dukur aq të afërt sa që kohë pas kohë, kanë hedhur edhe krahun në shpatulla të njëri-tjetrit.

Në një intervistë të mëhershme për “Panorama”, Erjon Bogdani ka thënë se ishte i lidhur me një juriste italiane me emrin Rosella dhe se së shpejti do të bashkëjetojnë nën të njëjtën çati, pasi sipas Erjonit, “ka ardhur koha për të bërë pak jetë familjare”.

Erjoni kishte premtuar që në fund të gushtit do e sillte atë në Tiranë, mirëpo jo vetëm që nuk e solli juristen e tij, por tani ai po del me një vajzë shqiptare, me të cilën mbase ka diç më shumë se sa një “miqësi”.