Shpati: Agjërimi është njëra nga sakrificat e domosdoshme

Përveç agjërimit Shpati është i detyruar që të heqë dorë edhe nga gjëra të tjera në jetë me qëllim që të mbetet i devotshëm.
Këngëtari i shumëpëlqyer nga Maqedonia njihet si njëri nga yjet i cili më së shumti i ndjek rregullat e fesë islame. Shpat Kasapi njihet si një besimtar i devotshëm, i cili sidomos gjatë këtij muaji të madhërishëm të Ramazanit shkon edhe në xhami për të bërë lutjet e tij.

“Unë agjëroj thuajse çdo vit, dhe kjo është një nga sakrificat më të thjeshta për mua. Përpiqem të jem sa më i devotshëm në besimin tim, duke mos konsumuar alkool edhe duhan. Për aspektet e tjera... nuk është e nevojshme që të shpjegohem me hollësi, pasi e dashura ime, Afërdita, jeton shumë larg meje, dhe kjo ma bën edhe më të lehtë agjërimin korrekt gjatë muajit të Ramazanit që sapo ka nisur”, ka pohuar Shpati.

Për të vetë fakti që është mysliman e obligon që ta agjërojë Ramazanin dhe t’i kryejë edhe obligimet e tjera fetare.