Winehouse kërkon 48 shishe uiski

Këngëtarja britanike, Amy Winehouse, ka porositur 48 shishe uiski si pjesë e kërkesave të saj të prapaskenës, për paraqitje në një festival në Britani.
Siç bëjnë të ditur tabloidet britanike, këngëtarja problematike pritet të paraqitet në festivalin Bestival, gjatë këtij vikendi. Winehouse ka befasuar duke kërkuar 48 shishe Jack Daniel’s, për të ‘disponuar’ veten dhe ekipin shoqërues të saj para daljes në skenë.

“Është e zakonshme për artistët të bëjnë kërkesa për ushqim dhe pije para arritjes. Por organizatorët kanë dëgjuar se Winehouse ka porositur një sasi të madhe të Jack Daniel’s, në fakt një sasi qesharake të cilën ajo dhe ekipi i saj është e pamundur ta konsumojnë gjatë qëndrimit të tyre të shkurtë”, ka thënë një burim për The Sun.