Aktorja e pensionuar Jessica Simpson

Jessica Simpson nuk e ka në plan që t’i rikthehet aktrimit. Këngëtarja e cila ka luajtur rolin e Daisy Duke në filmin "The Dukes of Hazzard", dhe është paraqitur në filmat "Blonde Ambition" dhe "Employee of the Month", ka njoftuar se e ka humbur apetitin për filma për shkak të mungesës së interesit të publikut për ta shikuar filmin e saj të fundit.

“Nuk dëshiroj ta mbyll këtë kapitull të jetës sime, mirëpo tani për tani dëshiroj të merrem vetëm me muzikë. Sa i takon aktrimit, nuk dëshiroj që të merrem në këtë fazë të jetës sime”.

“Do të ndryshoja mendje nëse do të ishte një regjisor i shkëlqyer dhe një produksion me një studio mbresëlënëse dhe me aktorë të mëdhenj. Përndryshe, njëherë Jessica Simpson merret vetëm me muzikë”, ka përfunduar biondja.